15
'Blʋa 'a 'fɔ ʋʋ poa soa' -wee' ʋʋ "nyɩa Suida 'a 'blʋa 'a 'blowɔn 'ɔ -gbɛin" 'a wɔn mu' ɛ je Edɔmʋ 'a i -teena' -nɩa 'de -sɔin' 'de 'Sinɩ 'a -pɩɩɔn" "kpei, ɛ mu' 'sʋ ɛ je Nekɛfʋ jɛɛ- 'de -sɔin' 'a -sɔin'. 2 'De -sɔin' fɔo ɛ, ʋʋa' 'blʋa 'a -paʋn mɛ -nɩ 'blʋa -paa 'de "ni 'sɔɔn 'nynɩ 'de 'tɔniɛ 'tɔn -siia "i 'a -sɔin' fɔo 'de Nekɛfʋ "juɛi. 3 -Wɛe 'de -sɔin' fɔo ɛ, ɛ cɛɛn 'de Aklabimʋ 'a 'jaa na' fɔo -wɛe ɛ muu 'sinɩ 'a -pɩɩɔn" blʋa "kpei, ɛ cɛɛn Kadɛsɩ Banea', 'de ɛ 'ja 'de Ɛsrɔn 'de Adaa fɔo, 'demɔ ɛ "bie -wɛe ɛ muu Kaaka. 4 Dɛ -wlʋa 'mʋa-, ɛ cɛɛn 'de Asɩmɔnɩ -wɛe ɛ cɛɛn 'de Esipʋ 'a "ni 'a -cru -cru nʋ na' -wɛe ɛ "sii 'de Meditelane' 'a 'tɔniɛ -pʋn". Aoa' -paʋn -nɩa 'de -sɔin' fɔo ɛ -nao.5 'De 'jrʋ 'a 'wlʋʋ 'ɩn fɔo ɛ, 'tɔniɛ 'tɔn -siia "i mɛ -nɩ ɛɛ' -paʋn, ɛ mu' ɛ jɛɛ Sudɛn 'ɛ 'tɔniɛ wɔn 'kpa na'. 'De 'kwea fɔo ɛ, ɛ 'wlʋɛ 'de 'blʋa -nɩa 'de "ni 'sɔɔn 'nynɩ ɛ -nɩa 'de -ta Sudɛn 'kpaa 'tɔniɛ wɔɔn 6 -wɛe ɛ muu Bɛtɩ Okla fɔo 'de ɛ 'je Bɛtɩ Alaba cɛɛn'- 'de "jɛi fɔo, ɛ 'je "sou nyʋ a 'daa Bɔan jɛɛ-, Rubɛnɩ 'ɛ "ju. 7 Ɛɛ' -paʋn 'jaa 'de Debii fɔo, dɛ -tba' 'de Akɔɔ 'ɔ -toʋn" 'di -wɛe -ɛ mua' Nekɛfʋ ɛ "sii Kilgalɩ 'de 'kwea fɔo, 'de Adumimʋ 'ja na' "jɛi 'de "ni 'a -cru -cru nʋa' 'de -sɔin' fɔo. Wɛe ɛ cɛɛn Einɩ Semɛsɩ 'a "kao- -wɛe ɛ -tan Einɩ Rokɛlɩ. 8 'Sʋ ɛ 'jaa 'de Bɛnɩ Inɔmʋ 'a -toʋn" 'de Sebusɩ -nyʋ 'a crʋ 'a -gbɩn "kpei 'e -sɔin' -ta Selisalɛmʋ nɩa a, -wɛe 'de Inɔmʋ 'a -toʋn" 'a 'jrʋ 'a blʋ na' fɔo ɛ, ɛ mu ɛ 'ja 'de crʋ -nɩɛ "juɛi "jrukpɔ, -wɛe ɛ mu ɛ nynɩ 'de Refaimʋ -nyʋ 'a -toʋn" 'di. 9 Dɛ -tba' 'de crʋ -nɩa 'mʋa- "jru ɛ, ɛ "ka 'ʋn 'ɛ 'de Nefʋtoa 'a "kao o -wɛe ɛ muu 'de "kwi -kwlɔ -nɩa 'de Eflɔn crʋ "jru kpɩɩn- -wɛe ɛ muu 'de Baala fɔo, ɛmɛ nɩ Kiliatɩ Ɩarimʋ. 10 Dɛ -wlʋa 'de Baala 'mʋa- ɛ "bie 'de Sei crʋ 'a 'jrʋ 'a 'wlʋʋ 'ɩn fɔo, -wɛe ɛ ple 'kwlae 'a crʋ nyʋ 'bɛɛa ɔ 'jea Kesalɔn 'daa- 'de 'kwea fɔo, -wɛe ɛ "sii 'de Bɛtɩ Semɛsɩ -wɛe ɛ cɛɛn Timuna. 11 Dɛ -tba' 'mʋa-, ɛ jeɛ Eklɔn crʋ 'a -gbɩn -nɩa 'de 'kwea fɔo -wɛe ɛ "kaʋn 'de Siklɔn, -wɛe cɛɛn 'de Baala -crʋ -pʋn" ɛ ke Jabʋnɛlɩ ke, -wɛe ɛ "si Meditelane' "i. 12 Meditelane' mɛ -nɩ Suida 'a 'blʋa 'a 'blowɔn 'ɔ -gbɛin" 'a -paʋn 'de 'jrʋ 'a bluɩn' fɔo.
13 Ʋʋ "nyɩɛ Jefune' 'a "ju Kalɛbʋ Suida 'a 'blʋa 'a tɔo, ka Nyɔsoa 'tmʋɛ 'de Sosue' -pee ɛ. Ʋʋ "nyɩɔ Eblɔn -ɛɛ 'nynɩ nɩa Kiliatɩ Aaba a, Arba nynɩ nɩɛ Anakɩ -wi" 'a 'mɩɩa 'nynɩ -o. 14 Kalɛbʋ -sa 'blʋa -nɛ Anakɩ 'a "nynuu taan 'kwa: Sesai o, Aimanɩ ke Talmai ke. 15 Ɔ tba 'mʋa- 'sʋ, ɔ muɛ nyʋ -nɩa 'de Debii -wɛe nyʋ a 'daa Kiliatɩ Sefɛɛ -nyu 'dee ɛ o -fʋn 'a.
16 Kalɛbʋ cɛn wlu -tie" ɔ 'na nyɔ -ɔɔ tʋ a mua Kiliatɩ Sefɛɛ dua' -wɛe -ɔ -jeɛ kpʋɛ ɔɔ muɔ ɔɔ' "ju nynɔkpao' Aska "nyɩa ʋ 'je ɔ "bli "ti. 17 Ɔɔ' dedi' nmɔu Kenasɩ 'a "ju Ɔtiniɛlɩ mɔ -kpʋn' ɛ, -wɛe Kalɛbʋ "nyɩ ɔɔ' "ju Aska Ɔtiniɛlɩ 'de ʋ "tiɔ "bli. 18 -Ta ʋ nynia ʋa' kʋan -pʋn" ɛ, ɔ 'na a -tee' a "bo Kalɛbʋ -kle' i. 'Sʋ ʋ 'wlʋɛ 'de ʋa' soofae' "kpei ʋ "siɛ i, -wɛe Kalɛbʋ -tee' ʋ i ɔ 'na: Dɛ aa -pɔn -ɛ? 19 'Sʋ ʋ -sɛ "kpei ka ʋ 'na: -po' 'ʋn "diwan, -jɛ -ɩn -tea' 'ʋn 'de Nekɛfʋ -blʋa -pʋn" ɛ, -ɩn "nyɩ 'ʋn -ta "ni nɩa -ke!
-Wɛe Kalɛbʋ "nyɩ ʋ "ni pɛʋn -nɩa 'de "jɛi ke -jɩ -nɩa 'de -kwlu ke. 20 Ka Suida 'a 'blʋa 'a 'blowɔn 'ɔ -gbɛin" 'a wɔn 'ɔ 'kɛn nʋa i -tee -sʋn 'ka -nao.
21 'De Nekɛfʋ, Edɔmʋ 'a -paʋn "i, Suida 'a 'blʋa 'a 'blowɔn 'ɔ "kwi -kwlɔ -nɩa 'de -sɔin fɔo ɩ ka: Kabʋseɛlɩ o, Edɛɛ o, Jakuu o, 22 Kina o, Dimona o, Adada o, 23 Kedɛsɩ o, Asɔɔ o, Itan o, 24 Sifʋ o, Telɛmʋ o, Bealɔtɩ o, 25 Asɔɔ Adada o, Keriɔtɩ Ɛsrɔn nyɔɔ 'daa Asɔɔ -ke o, 26 Amamʋ o, Sema o, Molada o, 27 Atɩsaa Gada o, Ɛsmɔnɩ o, Bɛtɩ Palɛtɩ o, 28 Asaa sualɩ o, Bɛɛseba o, Bisiotia o, 29 Baala o, Ijimʋ o, Atɩsɛmʋ o, 30 Ɛtoladɩ o, Kesii o, Ɔrma' 31 Silakɩ o, Mamana o, Sansana o, 32 Lebaɔtɩ o, Silimʋ o, Ainɩ ke Rimɔnɩ ke: Ɩ bea o ɩ nɩɛ "kwi -kwlɔ 'ɔ kwla 'sɔɔn 'jɔ -mɛ" nyɛ ɩ ke -kwlɔ -nɩa ɩ 'dei ɛ. 33 "Kwi -kwlɔ -nɩa 'de -sɔɩn ɩ ka: Ɛsɩtaɔlɩ o, Sorea o, Asɩna o, 34 Sanoa o, Einɩ Ganimʋ o, Tapua o, Enamʋ o, 35 Ɩamʋtɩ o, Adulamʋ o, Soko o, Aseka o, 36 Saraimʋ o, Aditaimʋ o, Gedela ke Gedelotaimʋ ke: ɩ -wee' beao ɩ nɩɛ "kwi -kwlɔ 'ɔ -puue 'jɔ -nyiiɛ' ke ɩa' -kwlɔ ɩ 'blea ke-. 37 Senanɩ o, Adasa o, Midalɩ Gadɩ o, 38 Dileanɩ o, Misɩpe o, Joteɛlɩ o, 39 Lakisɩ o, Bɔsɩka o, Eklɔn o, 40 Kabɔn o, Lamasɩ o, Kilisɩ o, 41 Kederɔtɩ o, Bɛtɩ Dagɔn o, Naama ke Makeda ke, ɩ -wee' beao ɩ nɩɛ "kwi -kwlɔ 'ɔ -puue 'jɔ -mɛɛo"- ɩ ke -kwlɔ ɩ 'blea ke. 42 Libʋna o, Etɛɛ o, Asanɩ o, 43 Ifʋta o, Asɩna o, Nesibʋ o, 44 Keila o, Asibʋ ke Melesa ke: ɩ nɩɛ "kwi -kwlɔ -mɛ" nyɛ ɛ ke -kwlɔ ɩ 'blea ke. 45 Eklɔn ke ɛɛ' "kwi -kwlɔ ke -kwlɔ ɛ 'blea nɩ 'e 'wɛ -ke. 46 "Kwi -kwlɔ ke -kwlɔ -wee' "klein -nɩa Asɩdɔdɩ 'dei, -ɩ -nɩa 'de Eklɔn ke 'tɔniɛ 'nynɩ nɩ 'e 'wɛ -ke, 47 Asɩdɔdɩ ke Kasa ke ɩa' "kwi -kwlɔ ke -kwlɔ ɩ 'blea -ɛ -mua' -ɛ -nynia' 'de Esipʋ 'a "ni 'a -cru -cru nʋ na' -ɛ -jɛa Meditelane' 'a 'kpʋʋ ɛ.
48 'De crʋ 'dii "kwi -kwlɔ -nɩa 'e ɩmɩ -nɩ Samii, Jatii, Sɔkɔ, 49 Dana, Kiriatɩ Sana nyɔɔ 'daa Debii -ke ɛ, 50 Anabʋ, Ɛsɩtemo, Animʋ, 51 Kosɛnɩ, Olɔn ke Gilo ke: Ɩ -wee' beao ɩ nɩɛ "kwi -kwlɔ 'ɔ -puue 'jɔ due' ɩ ke -kwlɔ ɩ 'blea ke-. 52 'De -mɩ 'de ɛ Arabʋ o, Duma o, Esean o, 53 Janʋmʋ o, Bɛtɩ Tapua o, Afeka o, 54 Umeta o, Kiriatɩ Aaba mɛ -nɩ Eblɔn ke Siɔɔ ke: Ɩ beao ɩ nɩɛ "kwi -kwlɔ -mɛ" nyɛ ɩ ke ɩa' -kwlɔ ɩ 'blea ke-, 55 Maɔn o, Kamɛlɩ o, Sifʋ o, Juta o, 56 Jiseɛlɩ o, Jodeamʋ o, Sanoa o, 57 Kain o, Gibea ke Timuna ke: Ɩ nɩɛ "kwi -kwlɔ -puue ɩ ke -kwlɔ ɩ 'blea ke-. 58 Alɩbulɩ o, Bɛtɩ Suu o, Gedɔɔ o, 59 Maalatɩ o, Bɛtɩ Anɔtɩ ke Ɛlɩtekɔn ke-: Ɩ nɩɛ "kwi -kwlɔ -mɛɛo"- ɩ ke -kwlɔ ɩ 'blea ke-. 60 Kiliatɩ Baalɩ nyʋ a 'daa Kiliatɩ Ɩarimʋ -ke ɛ, ɛ ke Raba ke-: "kwi -kwlɔ 'sɔɔn ɩ ke -kwlɔ ɩ 'blea ke-. 61 "Kwi -kwlɔ -nɩa 'de -pɩɩɔn" blʋa 'di ɩ mɩ -nɩ Bɛtɩ Alaba o, Midɛn o, Sekaka o, 62 Nibʋsan o, Ii Amelaa ke Einɩ Kedi ke-: ɩ nɩɛ "kwi -kwlɔ -mɛɛo"- ke -kwlɔ ɩ 'blea ke-.
63 Sebusɩ 'a 'cɛ -tia" 'de Selisalɛmʋ ɛ, Suida 'a "nynuu se ʋʋpʋ 'e -sa, ɛ nʋɛ' ʋʋpʋ "tiɛ 'de ʋʋpʋ "kwlu dɛ -jɛa -sɩan ke